Kedjan

Bindiskylda

2009-02-25T00:53:00.001Z

Orð dagsins er bindiskylda.

Tvífarar

2009-02-18T10:07:00.005Z

Tony Hibbert

Vladimir Pútín

Á skíðum skemmti ég mér

2009-02-10T15:01:00.003Z

Góðan daginn góðir hálsar. Skellti mér á skíði um helgina. Ég skemmti mér vel. Datt einu sinni. Það var ekkert vont.Fór í stólalyftuna. Það var kalt. Sá svartan mann á skíðum. Í fyrsta skipti. Það var allt í lagi.Enginn fer á skíði lengur. Allir á bretti. Enda bretti meira kúl. Var hræddur. Fór allt of hratt. Skiptir engu. Datt ekki. Fór svo í bústað. Það var fínt. Gleymdi að hreinsa grillið.

Working class hero is something to be

2008-12-21T22:23:00.004Z

Eftir að ég týndi kvittununum klíndi ég bleki í andlitið á mér af ónýtum penna um leið og ég ráðlagði viðskiptavinum hvaða bækur þeir ættu að kaupa.

Lífið er saltfiskur

2008-12-16T20:56:00.005Z

Keðjan starfar nú hjá bókaforlaginu Bjarti. Starfið felst í því að viðhalda framboði bóka frá forlaginu í verslunum Bónus. Sex verlslanir eru á minni ábyrgð og þar af er ein aðal, í Smáratorgi. Ég hjálpa fólki að kaupa "réttu" bækurnar og er ég orðinn sérfræðingur í því að áætla hvað fólk les eftir því hvaða aldurhópi það tilheyrir.

Dæmi:
Karlmaður 45 ára - Myrká e. Arnald I
Kona 45 ára - Auðnin .e Yrsu Sig.

Þetta er ekki flókið.

Daði orðinn mamma

2008-12-12T16:53:00.003Z

Mér er það sönn ánægja að tilkynna umheiminum að Daði Guðmundsson hefur getið af sér afkomanda, stúlkubarn, fríðara en fjallgarður í norðri.

Ég held ég tali fyrir munn allra sem Daða þekkja þegar ég segi að hann eigi eftir að verða fyrirtaks mamma.

Keðjan kennir öðrum

2008-12-02T16:43:00.003Z

Gaman að segja frá því að ég er kominn inn í kennsluréttindanám og mun hefja það í upphafi næsta árs.

Nú er bara að finna sér brúnar flauelisbuxur og jakka með leðurbótum og þá er maður tilbúinn í hlutverkið.

Ég sé fyrir mér að eftirfarandi frasar verði mikið notaðir.

,,Krakkar, ekki vera með þessi læti."
,,Eitt orð í viðbót frá þér ungi maður og þá geturðu hundskast út"
,,Carpé diem"

Megas

2008-11-07T23:13:00.002Z

Ég verð nú að viðurkenna að mig langar í svo na gítar.

Að tékka sig inn

2008-11-06T11:41:00.006Z

Halló lesandi góður, þá er kominn tími til að tjékka sig inn. En hvernig skyldi heimurinn hafa breyst síðan síðast þegar Kedjufíflið dritaði niður óvéfengjanlegum sannleika í gegnum lyklaborðið?

1. Ólafur Stefánsson lagði skóna á hilluna.

2. Osama Bin Laden varð forseti Bandaríkjana.

3. Íslendingar eru aðeins meira gjaldþrota en síðast.

4. Everton er taplaust.

5. Ég byrjaði að vinna á frístundaheimili þann 4. nóv síðastliðinn.

6. Ég hætti að vinna á frístundaheimili þann 5.nóv síðastliðinn.

Fleira var það ekki. Góðar stundir

Bakhluti Biel vekur athygli

2008-10-28T22:37:00.005Z

Af augljósum ástæðum er dv.is í miklu uppáhaldi hjá mér. Blaðið hefur farið mikinn í kreppunni og staðið sig ágætlega skúbblega séð.

Hjá vefmiðlinum má finna nokkrar greinar sem fjalla um kreppuna á ákveðinn hátt og óhætt að segja að nokkrir aðalleikararnir í gjaldþroti þjóðarinnar fái á baukinn hjá blaðamönnum DV.

Ekki verður þó komist hjá því að taka eftir því að tvær vinsælustu fréttirnar á vef DV í kvöld eru um játningar Handrukkara-Annþórs og afturendann á Jessicu Biel.
Aðrar frengir vekja minni athygli lesenda netsíðunnar.

Því spyr maður sig hvort stjórnendum blaðsins hafi mistekist að endurheimta þann trúverðugleika sem lagt var upp með að endurheimta í upphafi?

Gengi Tottenham og íslensku krónunnar

2008-10-23T14:30:00.005Z

Þetta finnst mér sniðugt.

Yfirlýsing - ég tek á mig ábyrgðina

2008-10-22T15:51:00.006Z

Yfirlýsing frá ritstjóra kedjufiflid.blogspot.com

Í ljósi þess að að enginn vill taka ábyrgð á hruni bankakerfisins hef ég, Viðar Guðjónsson, ákveðið að stíga fram og taka þetta á mig. Stjórnmálamenn og aðrir eru því stikkfrí í allri umræðu sem kann að bera á góma um ábyrgð á kreppuástandi.

Virðingafyllst, Viðar Guðjónsson.

Pæling

2008-10-21T22:36:00.006Z

Af hverju er sá fídus á sumum bílum, að hægt er að gleyma ljósunum á honum.

Ekki það að ég hafi verið að gleyma ljósunum á bílnum mínum nýlega. En í gegnum tíðina hef ég oft gleymt að slökkva ljósin á þeim bílum sem ég hef verið á. Í kjölfarið verða þeir svo rafmagnslausir og ég á sennilega Evrópumet í startkaplanotkun. Það er hins vegar annað mál.

Því spyr maður sig. Hvaða mögulega notagildi getur maður haft af því að hafa ljósin kveikt án þess að bíllinn sé í gangi?

Ég tek slátur

2008-10-17T02:18:00.005Z

Árið er 2008. Staðurinn er Ísland. Húsnæðis- og bílalán hækka, gjaldþrot blasa við og atvinnuleysið vofir yfir vötnum. Kreppan er mætt eins og löggan sem rekur alla úr geggjuðu partýi. Fyrir skömmu jafn fjarlæg og svarti dauði en nú grimmur raunveruleiki sem horfast verður í augu við. Örvinglað reitir fólk hár sitt og spyr: Hvað á ég til brags að taka? Og ekki stendur á svari....... ég tek slátur.

Í kvöld var mér boðið í slátur til Möggu frænku. Það var ágætt þar sem ég hef ekki smakkað það í svona fimm ár. Þetta væri ekki í frásögur færandi nema fyrir þær sakir að búið er að bjóða mér í slátur bæði á laugardag og sunnudag líka. Þetta húsráð hlýtur að koma fram í handbókinni Aðgerðaráætlun í kreppu. Ég hef að vísu ekki komist yfir þessa bók en geri ráð fyrir því að þetta standi á blaðsíðu eitt.

Tveggja manna tal um stöðu Íslendinga

2008-10-15T21:17:00.008Z

Ég og Skúli vinur vorum fyrir nokkrum dögum að að tala saman um stöðu Íslendinga og utanríkismál. Við vorum sammála um að Bretar hefðu komið illa fram við litlu lömbin í þessu landi.

Í kjölfarið fórum við að ræða hvað Íslendingar þyrftu að gera til þess að lágmarka skaða þjóðarinnar. Eftirfarandi grein er um pælingar okkar.

Hún er í anda fínnar greinar Eiríks Bergmanns Einarssonar stjórnmálaprófessors í The Guardian þar sem hann kom sjónarmiðum Íslendinga á framfæri.

Ég ætlaði nú bara að hafa fyrir mig en what ðe hey. Hér kemur hún en þess má geta að hún er meira í samræðuformi við sjálfan mig.

Það er gríðarlega mikilvægt PR-lega séð fyrir Íslendinga að hamra járnið á meðan heitt er.

Með réttum málflutningi geta íslendingar spilað sig í alþjóða samfélaginu (réttilega að vísu) sem fórnarlömb stóra ljóta stráksins á leikvellinum.

Grein Eiríkst er vel skrifuð ætti aðeins að vera forsmekkurinn af því sem koma skal.

Hvarvetna, á Norðurlöndum sem og annars staðar í heiminum, eru sóknarfæri fyrir okkur Íslendinga að koma þessum punkti á framfæri. Bretar spörkuðu í litla liggjandi þjóð þegar hún mátti sem minnst við því.

Að vísu eru líkur á því að tíminn leiði það í ljós, bæði í efnahagslegu sem lagalegu tilliti, að þetta mun reynast feigðarflan fyrir Brown forsætisráðherra Breta.

Kaupþing fór á hausinn í kjölfar þess að eigur bankans voru frystar, þetta er óvéfengjanleg staðreynd í sögulegum skilningi. Með öðrum orðum það virðast flestir vera sammála um það.

Ef Íslendingar fara að fordæmi Eiríks Bergmann Einarssonar stjórnamálafræðings og útskýra hvarvetna hvers vegna Íslendingar voru fórnarlömb, kann það að hafa gríðarlega jákvæð áhrif á þá uppbyggingu sem er í vændum.

Tími er peningar stóð einhvers staðar og því fyrr sem hægt er að útrýma allri tortryggni í garð Íslendinga erlendis, því betra. Ef við náum með einhverjum hætti að lágmarka ímyndarskaðann sem þjóðin hefur orðið fyrir kann það að hafa þau áhrif að sá tími sem það tekur íslenska viðskiptamenn að fá traust á alþjóðlegum mörkuðum, styttist.

Gríðarlega mikilvægt er að átta sig á því að á sama tíma og við skoðum hvað fór úrskeiðis, getum við sótt upp kantinn, gefið hættulega sendingu fyrir markið, og skorað með lúmskri hælspyrnu úr þröngri stöðu.

Með samræmdum aðgerðum kann sá tími sem það tekur að endurvekja traust á íslensku atvinnulífi að minnka töluvert. Nú ríður á að bregðast hratt við svo hægt sé að ná hámarks árangri í viðleitni okkar Íslendinga að bæta okkur skaðann á orðsporinu.

Ef einhvern tímann hefur verið réttlætanlegt að halda úti fjárfrekum sendiráðum hlýtur tími þeirra að koma fram nú sem aldrei fyrr, sinni skyldu sinnin, verði hávær og kynni fyrir alþjóða samfélaginu hvernig á Íslendingum var brotið þegar stór lýðræðisþjóð notaðist við hentisemis-hryðjuverkalög til þess knésetja aðra smáa. -

Hvert eigum við að beina málflutningi okkar? Bandaríkin yfirgáfu okkur. Fyrir vikið er staða þjóðarinnar veikari og engum dylst að Bretar hefðu ekki komið fram með þessum hætti ef við hefðum stóra bróðir með á leikvellinum.

En öllum aðstöðum fylgja tækifæri. Íslendingar þurfa ekki lengur að óttast eða hugsa um, hvað Bandaríkjamönnum finnst um aðgerðir okkar. Íslendingum eru því í vissum skilningi ,,frjálsari” en áður þegar kemur að utanríkismálum. Við höfum nær engu að tapa.

Helstu hagsmunir okkar nú liggja í því að bjarga hjólum atvinnulífsins. Því er mikilvægt að koma boðskapunum á framfæri í ríkjum Evrópu, ekki endilega þessum stóru, ekki síður í öðrum smáríkjum þar sem íslendingar geta bent, svart á hvítu, hvernig komið er fram við smáþjóðir þegar í harðbakkann slær.

Hneykslan á framferði Breta í alþjóða samfélaginu gæti hjálpað Íslendingum. Reiði okkar er réttlát. Augu alheimsins eru á Íslandi. Nýtum okkur það. Nýta má þann byr sem Brown hefur veitt í segl vindlausra Íslendinga. Okkur veitir ekki af allri þeirri samúð sem við getum fengið.

Allt er undir, Ísland gæti orðið gjaldþrota.

Langaði bara að koma þessu frá mér, kveðja Keðja.

Baby im back

2008-10-15T01:27:00.008Z

Nýlega ákvað bloggarinn skeleggi Keðjufíflið að hefja að blogga að nýju. Ár og dagar eru síðan hann bloggaði síðast og ákvað fréttaritari kedjufiflsins.blogspot.com því að spjalla eilítið við Keðjufíflið á þessum tímamótum.

Hvers vegna ákvaðst þú að byrja að blogga aftur. Var það efnahagsástandið?
,,Nei ég get ekki sagt það. Ég lá upp í rúmi og gat ekki sofnað og ákvað því að skrifa eitthvað hér inn."

Heldur þú að lesendur síðunnar séu búnir að jafna sig á síðust færslu um Bandarískt þjóðfélag?
,, Ég veit það ekki en það er alveg ljóst að þetta er alvarlegt mál. Ég á ekki von á því að ástandið batni ef fulltrúi háværs minnihlutahóps kemst til valda í Bandaríkjunum."

Hvað áttu við?
,,Nú Sarah Palin er búinn að fara hamförum í yfirlýsingum sínum að undanförnu. Hún sýnir okkur það að þrátt fyrir að margt hafi áunnist í að kenna konum er þeim enn ekki treystandi fyrir æðstu valdastöðum."

Hvað er annars að frétta? ,,Ekki margt. Hætti að vísu hjá Fram sem ég hef spilað fyrir frá barnæsku. Fór í Víking og Fylki áður en ég snéri aftur í Safamýrina. Síðan fór ég að vinna sem blaðamaður í eitt og hálft ár. Keypti mér íbúð. Hætti með kærustunni. Hætti svo í vinnunni og fór að leita mér af annarri. Þá skullu á efnahagssamfarir og ég fór að blogga. Að öðru leiti er lítið af mér að frétta......... Ég fékk mér að vísu snigla í fyrsta skipti. Það var ágætt."

Svona að lokum. Aðhyllist þú enn frjálshyggju?
,,Svo sannarlega. "

Hvernig skýrir þú þá fall efnahagslífsins Íslandi.
,,Nú með ríkisinngripunum að sjálfsögðu. Ég veit ekki betur en allt hafi verið í fínu lagi fram að því."

Og þar með var hann rokinn í burtu. Þetta voru lokaorð Keðjufíflsins að sinni. Fréttaritari síðunnar gat nú ekki stillt sig um að horfa á eftir honum og óhætt að segja að á engan sé hallað þegar sagt er að vandfundinn er kynþokkafyllri maður. Fréttaritara komu í hug þessi fleygu orð þegar hann horfði á eftir Keðjufíflinu. ,,I hate to see you go, but I love to watch you leave."

Bandarískt þjóðfélag

2007-03-18T02:34:00.000Z

Bandarískt þjóðfélag er undarlegt með meiru. Þar getur hver maður orðið ríkur af því að því að nýta sína hæfileika. Hvarvetna má sjá merki þess að þetta er með ríkari þjóðfélögum, en á sama tíma reynist eymdin ríkja á bakvið leikmyndina.

Í Bandaríkjunum er allt til sölu. Öfgarnir þekkja sér vart takmörk. Lýsa má þjóðinni á þann hátt að allir og allt sé til sölu og flestir vilji láta kaupa sig. Jafnvel er hægt að kaupa sér ,,réttvísi", þó maður spyrji sig hvort eitthvað sé réttlátt við það.

Ekki er ég maður til þess að setja mig í dómarasæti þegar kemur að þvi að útskýra hvað réttlæti er, en þó veit ég hvað mér finnst óréttlátt. Raunar ætla ég að fullyrða það að þessi athöfn laganna varða í Bandaríkjunum sé óréttlætið holdi klætt.

Félag íslenskra Daða

2007-03-15T12:13:00.001Z

Þetta er snilld.

,,Ef maður gæti nú svarað því"

2007-03-12T12:20:00.000Z

Í Morgunblaðinu í gær birtist grein sem segir frá því hvernig þremur ,,reyndum" fjallamönnum var bjargað eftir tólf tíma veru í snjóskafli. Þvert á ráðleggingar veðurstofunnar lögðu þeir upp í fjallaferð og að sjálfsögðu lentu þeir í vonsku veðri sem ,,skall snögglega á".

Aðspurðir hvers vegna þeir höfðu lagt upp í þessa ferð þrátt fyrir ráðleggingar um annað, sagði einn þremenninganna, Stefán Jónsson þetta: ,,Ef maður gæti nú svarað því"......

Já sjálfur Hómer Simpson hefði ekki getað komist betur að orði.

Mamma og Pabbi

2007-03-08T12:24:00.000Z

Mig langar að nota þetta tækifæri til þess að óska Andra Fannari Ottósyni Simonsen Fonceca og Lindu Heiðarsdóttur Thoroddsen innilega til hamingju með frumburðinn sem fæddist þriðjudaginn 6 mars. Hann, sem reyndist að vísu vera hún, vóg 13 merkur og var 49 cm.

Þá veit maður hvað þau voru að gera fyrir níu mánuðum vúú húú!

An inconvenient truth

2007-03-06T12:45:00.000Z

Horfði á an inconvenient truth í gær. Mjög fín heimildamynd sem sýnir fram á það hvernig við, mannfólkið, mengum sífellt meira vegna aukinnar fólksfjölgunnar og sinnuleysis gagnvart umhverfinu.

Það veldur hlýnun jarðar, sem er slæmt. Á endanum mun hún leiða til gríðarlegra breytinga á vistkerfinu og stórir hlutar jarðar verða óbyggilegir vegna ísaldar.

Hún er í nokkurs konar fyrirlestrarformi og kemur inn á það hvernig vísindamenn eru nær einróma um að hættan sé raunveruleg. Gore sjálfur segir raunar að við munum sjá afleiðingar strax á okkar líftíma, eftir 50 ár.

Málflutiningurinn er sannfærandi og laus við að maður hafi á tilfinningunni að hér sé um að ræða innihaldslausar staðreyndir byggðar á fölskum upplýsingum, þó maður viti það náttúrlega aldrei nema að kafa ofan í rannsóknir.

Því nenni ég hins vegar ekki. Frekar fer ég í bíó.

Mogginn

2007-03-06T10:43:00.000Z

Gerðist áskrifandi að Mogganum nú í vikunni og er ég ekki frá því að það sé ein besta ákvörðun mín síðan ég ákvað að taka rauðu pilluna framyfir þá bláu.

Útskrift og fyrirlestur á Laugavatni

2007-02-26T15:37:00.000Z

Ég þakka öllum sem mættu í útskriftaveislu mína fyrir komuna og er ég afar hress með að fólk hafi yfir höfuð mætt, með sitt höfuð, inn á heimili föður míns. Fyrir þá sem segja að þeim hafi leiðst segi ég: ,, ég vísa því til föðurhúsanna". Faðir minn sýndi mikla hæfni í þjónahlutverki og móðir mín og Ragna sýndu mikla hæfni í skipulagningu og veislustjórn og kann ég þeim bestu þakkir fyrir. Auk þess langar mig að þakka fyrir gjafir og sýndan hlýhug.

Um leið og ég læri að setja myndir inn á tölvu, mun ég setja myndir úr veislunni hér inn.

Útskriftin var svo sem ágæt líka. Það kann að hljóma undarlega, en það sem ég var að hugsa þegar ég fékk prófskírteinið og tók í hönd Ólafs Þ. Harðarsonar prófessors og Kristínar Ingólfsdóttur rektors, var eitthvað á þessa leið, ,,ég vona að enginn hafi verið að klóra sér í pungnum áður en hann tók í höndina á þeim". Enda voru u.þ.b. 290 manns búnir að taka í höndina á Kristínu og að auki svona 40 í höndina á Ólafi áður en kom að mér. Að sjálfsögðu er ólíklegt að kvenkyns útskriftanemar hafi tekið þátt í slíkum athöfnum. Kannski þær hafi verið að klóra sér í einhverju öðru, hvað veit ég?

Að öðru. Í vikunni hélt ég tvo 80 mínútna fyrirlestra fyrir menntaskólakrakka sem Skúli vinur, kennir á Laugavatni. Umfjöllunarefnið var kapítalismi og frjálshyggja. Það gekk ágætlega fyrir utan nett svitakast sem kom í seinni fyrirlestrinum. Held samt að enginn hafi tekið eftir því. Gaman var að sjá að sumir krakkanna töldu sig mikla frjálshyggjumenn og aðrir töldu sig harða vinstri menn, án þess að vita af hverju þeir voru það. Maður sá þó að þeir höfðu áhuga og spurðu mikið í umræðum í lok fyrirlestranna. Þar með er markmiðinu náð.

Orsök og afleiðing

2007-02-20T07:57:00.000Z

Bráðlega verður hér haldin klámráðstefna. Á baksíðu Fréttablaðsins er pistill eftir Þórhildi Elínu Elínardóttur. Inntak pistilsins er eitthvað á þennan veg. Sterk fylgni er á milli kláms, vændis og mansals. Því ættu Íslendingar ekki að bjóða klámfólkið velkomið, sem hingað kemur á ráðstefnuna. (Ég skil þetta sem svo að banna ætti fólki að koma hingað á ráðstefnuna).

Ég nenni ekki að benda á augljósa röksemdargalla þessa málflutnings, enda hafa aðrir bloggarar gert það vel, en langar samt að benda á eitt.

Öll sú umfjöllun sem klámráðstefnan fær, slæm eða góð, er sem vatn á myllu þeirra sem hana halda. Með því er verið að beina athygli að iðnaði sem þrífst á því að vera umdeildur og er verið að veita honum auglýsingu sem ekki fæst keypt.

Þeir sem berjast gegn klámiðnaðinum átta sig oft á tíðum ekki á því að hann er afleiðing en ekki orsök alls kyns vanda á borð við fíkniefnanotkunar og kynferðisofbeldis í æsku.

Til er orðatiltæki á ensku sem hljómar svo ,,choose your battles" og mættu andstæðingar klámiðnaðarins taka sér hann til fyrirmyndar. Í stað þess að spyrja sig ,,hvað get ég gerst til þess að berjast gegn klámiðnaðinum". Ætti fólk að spyrja sig ,,hvað get ég gert til þess að koma í veg fyrir að neyðin, sem rekur fólk til þess að starfa í klámiðnaðinum, sé til staðar".

Ögmundur Jónason

2007-02-16T14:57:00.000Z

Illa er farið með Ögmund Jónasson í rökræðum í Kastljósi í gær. Raunar pínlegt að horfa upp á þetta fyrir hans hönd. Ögmundur sér vanalega sjálfur um að tala sig í kaf, en hér mætir hann Sigurjóni Árnasyni bankastjóra Landsbankans.

Til að gera langa sögu stutta, minnir þetta einn helst á mann frá 2007 að ræða við mann frá 1848, sem er nýbúinn að lesa kommúnistaávarpið, tilbúinn í stríð og strit, en hlustar ekki á skynsemi og vit.

Tilefnislaus nauðgun

2007-02-16T14:05:00.000Z

Neðarlega á forsíðu Fréttablaðisins er frétt undir yfirskriftinni Nágranni kom í veg fyrir nauðgun. Þar segir frá konu sem var að ganga heim eftir djamm, eins og ungdómurinn kallar það, þegar maður ræðst á hana, ber hana sundur og saman og reynir að nauðga.

Í fréttinni stendur orðrétt. ,,Konan þekkti manninn ekki neitt og virðist árásin hafa verið tilefnislaus".

Þetta segir mér að hún hafi ekki verið í stuttu pilsi og nauðgunin því á engan hátt réttlætanleg....
Hvert er stefnir þessi volæða veröld þegar nauðgunarárásir eru orðnar tilefnislausar.... TILEFNISLAUSAR SEGI ÉG!

Framboð og eftirspurn

2007-02-16T03:02:00.000Z

Í dag fór ég á ráðningarskrifstofu.

Talaði um kosti mína og galla, áhugamál og áhugaleysi. Hafnaði starfi þjónustufulltrúa í banka sökum áhugaleysis. Nefndi draumastarfið. Það er ekki á lausu. Mér er alveg sama. Ég ætla samt að fá það.

Því fór ég að velta því fyrir mér hvernig ég gæti gert sjálfan mig eftirsóknarverðan á vinnumarkaði. Eru það þröngar buxur, stífuð skyrta og gelað hár eða eitthvað allt annað? Hugmyndir eru vel þegnar.

Það eina sem ég veit er að þetta er allt saman spurning um framboð og eftirspurn.

Góðar stundir.

Valentínusardagur

2007-02-15T02:28:00.000Z

Gleðilegan súkkulaðihúðaðan karamellufudge dag, með sýrópi og hunangi.

Mynd

2007-02-13T12:05:00.000Z

Stúdentapólitík

2007-02-08T17:38:00.000Z

Sá tvö plaggöt áðan frá Vöku og Röskvu. Undir plaggati Vöku stóð ,,félag lýðræðissinnaðra stúdenta", en undir plaggati Röskvu stóð ,,samtök félagshyggjufólks".

Svolítið fyndið þar sem kosningabarátta félaganna er með því ólýðræðislegra sem gerist og fer í raun bara eftir því hvor hópanna á fleiri vini í skólanum.

Í öðru lagi er svolítið öfugsnúið að bendla einhverri félagshyggju við stúdentapólitík. Markmiðið hlýtur alltaf að vera að huga að hag stúdenta í heild sinni og lítið rúm fyrir félagshyggju eða markaðshyggju í slíkri hagsmunabaráttu.

Nema náttúrulega að Vaka beri hag stjórnvalda eða auðugra námsmanna fyrir brjósti?

Bölvuð bókhlaðan

2007-02-07T14:02:00.000Z

Um leið og ég ítreka seinustu færslu langar mig að fjalla eilítið um kynni mín af bókhlöðunni.

Þrennt er þar markverðast.

1. Í fyrstu heimsókn minni þangað, enn á menntaskólaaldri, flækti ég bómullarpeysuna mína í trégardínu, sem þar var (og er enn), með þeim afleiðingum að hún datt á gólfið með tilheyrandi látum.

Illir Háskólanemar í próftörn gerðu sitt besta að drepa mig með augnráði sínu. En það er ekki hægt.... Engu að síður sá ég hag minn bestan í því að yfirgefa ,,hlöðuna" og fór heim og fékk mér heitt súkkulaði með eilitlu brandí út í.

2. Eftir langan og erfiðan dag, uppfullum af lestri fræðibóka, stóð ég upp og þakkaði samnemendum mínum fyrir daginn. Jafnframt tilkynnti ég þeim að ég ætlaði að fá mér ylvolga súpu frá mömmu þegar heim væri komið.

Félagar mínir í námsstreði höfðu engan skilning á skyndilegum áhuga mínum á því að tengjast við þá og hlógu hrokafullum hlátri. Ekki er gaman að vera aðhlátursefni og því fór ég heim og fékk mér smá séníverdreitil með súpunni.

3. Eitt sinn var ég staddur með hópi manna niðri á kaffistofu þegar ég hallaði mér upp að millivegg einum er þar var. Hann var gerður úr tré og stóð á fæti í stað þess að vera gerður úr steypu og vera fastur við aðra steinsteypta veggi. Því gaf veggurinn eftir þegar ég hallaði mér að hounum og féll á gólfið með miklum látum.

Sjálfur lá ég kylliflatur í smástund. Í stað þess að svokallaðir ,,félagar" mínir hjálpuðu mér á fætur með umhyggjusemi í huga, ráku þeir upp rokna hlátur. Hlátur er smitandi og fljótlega voru aðrir, sem staddir voru á kaffistofunni, í sama ham. Ham illkvittninnar. Eftir þetta hljóp ég heim og fékk mér Baylies og súkkulaðiköku svona rétt til að sefa tilfinningu auðmýktar.

Bölvuð bókhlaðan.

Stúdentablaðið

2007-02-07T01:42:00.000Z

8. besta handboltaþjóð í heimi

2007-01-31T12:15:00.000Z

Eftir tap í leik á móti Spánverjum á morgun, er ljóst að 5 töp í 8 leikjum munu skila Íslendingum í 8. sæti á Hm í handbolta.

Ef maður horfir blákalt á hlutina mætti halda því fram að það sé misskilningur að Íslendingar geti verið stoltir af strákunum sínum.

Kannski þeir ættu frekar að vera stoltir af keppnisfyrirkomulagi mótsins.

Maður spyr sig....en þó ekki.

Ég er sammála.....

2007-01-23T13:09:00.000Z

.....Málflutningi Sólksinsfíflisins, í sambandi við dagpeningamál kvennalandsliðsins.

Bloggbót

2007-01-22T14:15:00.000Z

Lítið hefur verið í gangi á síðu þessari að undanförnu, sökum gríðarlegra anna. BA ritgerð var skilað og að sjálfsögðu kláraði ég hana kl 15.30 og átti svo að skila kl. 16.00....ég skilaði kl. 16.01.

Stefnt er að því að færslur verði hér tíðari.

Að öðru....

Var að frétta það í gegnum þáttinn Scrubs að þegar konur eru að fæða börn kúka þær nánast undantekningarlaust á sig í rembingnum.

Minnir óneitanlega á Samfylkinguna að því undanskildu að ekkert barn fæðist.

Spaugstofumenn komu með sniðugan brandara. Það er fréttaefni útaf fyrir sig. Brandarann má finna frekar aftarlega í þættinum, þar sem menn eru í heitum potti að metast um hversu flotta veislu þeir héldu í bankanum sínum.

Fleira hefur ekki gerst markvert að undanförnu.

Góðar stundir.

BA-verkefni

2007-01-17T01:21:00.000Z

Í gær kom út ritverk eftir Viðar Guðjónsson Stúdent, verðandi Bakkalárus.

Verkið heitir: Er tóbaksreykur í vinnuumhverfi starfsfólks á veitinga og skemmtistöðum til marks um ytri áhrif á markaði?

Hægt er að nálgast eintak með stafsetningavillu á forsíðu fyrir 1500 krónur.

Ég valinn maður ársins hjá Time Magazine...

2007-01-08T00:47:00.000Z

Það eru nú ekki allir sem geta státað af því. Þó vissulega geti það allir nema konur.

Já skaupið var...

2007-01-02T15:19:00.000Z

.....nú bara mjög sniðugt. Margt sem fékk mína einföldu sál til að hlæja.

Ari orðinn meistari

2006-12-16T17:14:00.000Z

Fyrir tveimur árum fór Ari Pálmar Arnalds í víking til Danmerkur og sótti þar nám til meistara í verkfræði.

Því finnst mér vel við hæfi að óska Ara til hamingjum með útskriftina. Enda hefur það verið hrein unun að sjá strákinn dafna og þroskast í vel menntaðan hund eins og sjá má hér á myndinni.

Til hamingju Ari.

Elsta kona í heimi

2006-12-12T18:37:00.000Z

Elsta kona í heimi er alltaf að deyja...

Gæti einhver verið svo vænn..

2006-12-11T20:52:00.000Z

Að segja mér hér í commenti, hvernig maður setur inn á bloggið fasta linka á aðrar netsíður.

Einnig má sá hinn sami tjá skoðun sína málsháttnum: Öllu gríni fylgir alvara. Er hann bara bull eða er mikil speki þar á ferð?

Raunar mega allir sem vilja tjá sig um það.

Áfengi í búðum

2006-12-08T12:43:00.000Z

Nú liggur frumvarp fyrir Alþingi þar sem lagt er til að sala léttvíns og bjórs verði leyfð í almennum verslunum.....

Fussum svei! Hverju taka þessir Alþingismenn upp á næst?

Að leyfa rokk-músík, mini pils og karlmenn með sítt hár?!? Að kynlíf fyrir giftingu verði ekki gert refsivert? Banna þeir nornaveiðar?!?

Aldrei hefur guðhrætt hjarta mitt tekið jafn rækilegan kipp og þegar það heyrði þessar fréttir. Vonandi eru til einhverjir sómakærir Alþingismenn sem stoppa þetta í fæðingu. Annars munu allir á endanum líta svona eða svona út

Í öðrum fréttum

Apollo, geimferja Bandaríkjamanna, lenti á tungl......

Sjórinn

2006-12-05T01:52:00.000Z

Sjórinn er eitthvað svo óendanlega djúpur og engin leið að vita hvað í honum leynist. Hann er myrkur og morðóður, einnig er hann kaldur og hvissandi.

En mannskepnan er ótrúleg og hefur náð að smíða skip til þess að koma í veg fyrir að þurfa að fara nálægt þessum andskota. Því langar mig að nota þetta tækifæri og hylla allt mannkyn í eitt skipti fyrir öll. Við höfum svo sannarlega sýnt öllu öðru í heimana og holdgervingur sigurgöngu okkar er skipið sem siglir í gegnum ólgusjó skítsama um veður og vinda, skítsama um allt.

Til hamingju mannkyn.

Free to choose

2006-12-02T00:39:00.000Z

Verð að vekja athygli á heimildaþáttunum Free to choose. Þar fjallar Milton Friedman um frjálshyggjulasnir í hinu daglega lífi. Jafnvel þó þættirnir séu frá 9.áratugnum eru þeir enn skemmtilegir og fræðandi.

Verð jafnframt að benda áhugasömum á rökræðurnar í lok þáttanna, þær eru magnaðar og skemmtilegt hvernig Friedman er alltaf með svör á reiðum höndum.

Helvítis Danirnir

2006-11-30T02:13:00.000Z

Vinna okkur 14 - 2 og síðan 6 - 0. Drápu Jónas Hallgrímsson með bjórnum sínum.
Eru ekki rassgat ligeglad og senda okkur svo bara ormétið mjöl.

Hlaupasaga

2006-11-25T17:58:00.000Z

Staður: Rvk.
Verkefni: 10 km hlaup
Aðstæður: 7 gráðu frost, logn, svell á löngum köflum, annars staðar snjór, nokkuð um brekkur.
Hlaupaleið: Úr Safamýri og svo, Miklabraut, Kringlumýrarbraut, Háaleitisbraut. 4 hringir.

Sólargeislarnir lituðu upp gufukenndan andardráttinn í frostinu, þegar haldið var af stað frá Framheimilinu kl 10.30. Hugsanir á borð við, ,,nei" og ,,hvernig á þetta að gagnast knattspyrnumönnum", flugu í gegnum höfuðið. Á fyrsta hring marraði í stífum liðum og stirðum vöðvum á meðan menn komu sér í gang. U.þ.b. 12 mínútum og 2,5 km síðar var hringurinn búinn og annar hringurinn tók við. Nokkrir geðsjúklingar hófu að auka hraðan og fljótlega var hluti hópsins kominn u.þ.b. 200 metra á undan mér. Enn svona þokkalega jákvæður hugsaði ég ,,jæja þá er fyrsti búinn og bara 3 eftir". Hringur númer tvö var erfiður.

Á hring þrjú komu fram hugsanir á borð við ,,drottinn minn dýri það er svo mikið eftir" og ,,mig langar í heitt kakó". Eftir þriðja hring stóð þar þjálfaraböðullinn með öxi í formi klukku. Ég hljóp framhjá honum með tunguna í eftirdragi og augljóslega stutt frá hjartaáfalli. Því vonaðist ég til þess að Óli myndi segja ,,þetta er komið gott, ég var að grínast með fjórða hringinn, fáiði ykkur heitt súkkulaði, það er skipun." þess í stað sagði hann hins vegar ,, Viddi þú ert að fara aðeins of hægt, þú verður að bæta aðeins í til þess að ná þessu undir 46 mínútum", sem var markmið dagsins.

4. hringur: hugur á móti líkama, andinn á móti efninu, ekkert yang, bara ying. Með því að breyta texta lagsins Eitt lag enn, sem var framlag Íslands í Eurovision árið 1989, í ,,eitt skref enn", tókst mér að þrauka hálfan hringinn. En þegar kom að helvítis Háaleitisbrautinni sem er ein samfelld brekka í svona 800 metra, dugði það ekki lengur til. Við tók ljónsvilji músarinnar og fæturnir, þreyttari en Bubbi Mortens, héldu einhvern veginn áfram. Þegar ég sá glitta þjálfarann, var ég nánast orðinn galinn af þreytu. Ég hljóp áfram eitt skref, svo annað til og endurtók þetta ferli nokkrum sinnum og síðan.....þegar svona 30 metrar voru í mark, var kona með barnavagn í vegi mínum. Á þeim tímapunkti ákvað galinn hugur minn að beygja ekki framhjá vagninum þar sem í því fælust 2-3 auka skref. Augu mín og móðurinnar mættust og móðureðlið sagði henni að líklega stefndi hér í óefni. Á örskotsstundu sveigði hún barnavagninum frá, en í sömu andrá þeystis ég framhjá á allt að 6km hraða.

Þegar í markið var komið hafði ég rétt orku í það að æpa jess!!! Um leið og þjálfarinn sagði að ég hefði náð tímanum. Eftir þetta fór ég í sturtu og fór upp að tippa. Þura var svo væn að rétta mér AB mjólk vegna mikils orkutaps. Ég opnaði hana og byrjaði að drekka, en bragðlaukarnir mótmæltu samstundis. Mjólkin var frá 29 september og kjékkótt mjög.....

já það er ekki tekið út með sældinni að vera fótboltamaður/geðsjúklingur á Íslandi.

Meðlimur Sopranos fjölskyldunnar ,,harður" Valsari.

2006-11-21T15:00:00.000Z

Í grein Steingríms Ólafssonar sem birtist á bloggsíðu hans, eru leiddar líkur að því að einn aðal fjárstyrktaraðili Vals sé maður að nafni Engilbert Runólfsson. Engilbert þessi ku vera þekktur í undirheimum Reykjavíkur, án þess að undirritaður hafi það frá fyrstu hendi.

En ef satt reynist, má líkja þessu við þá spillingu sem er víða í kringum fótboltann í Evrópu.

Skemmst er að minnast þess þegar upp komst um hneyksli á Ítalíu þar sem ýmsum félögum voru fundin sek um að múta dómurum og voru þau dæmd til misharðra refsinga eftir því hve stórfelld brot þessi voru.

Því má ætla að auðvelt verði að leggja saman tvo og tvo, ef t.d. Garðar Örn Hinriksson birtist skyndilega í nýjum gulljakafötum, eða með brotnar hnéskéljar eftir að hafa dæmt í leikjum Vals næstkomandi sumar.

Annars....gerist aldrei neitt svoleiðis á Íslandi, er það?

kossaflens

2006-11-18T21:23:00.000Z

Sigmar í Kastljósinu og Guðmundur Steingrímsson hafa báðir gert kossaflens að umfjöllunarefni. Sigmar á bloggsíðu sinni, en Guðmundur í bakþönkumFréttablaðsins og á blogsíðu sinni.

Í framhaldi af þessari umræðu langar mig að minnast á það að ég var einu sinni kysstur af manni frænku hennar Rögnu sem ég hafði hitt svona tvisvar. Sá maður er einnig þekktur sem annar helmingur tvíeykisins Birta og Bárður.

Lesandi góður, þú getur kallað mig bældan mömmustrák með hor, en mér finnst þetta einfaldlega rangt.

Rökleysa

2006-11-16T13:28:00.000Z

Ég stóð sjálfan mig að því að hugsa þetta nú rétt í þessu.

Hmmm...Ætli ég sé óbreyttur borgari?...Ekki ef eitthvað er að marka öll þessi gráu hár...jæja, ég er allavega ekki að fá skalla.

Verði þér að góðu jólasveinn

2006-11-15T13:21:00.000Z

Það var Aðfangadagur og Siggi litli var orðinn rosalega spenntur og gat hreinlega ekki beðið eftir því að jólin byrjuðu. Á meðan Siggi beið í eirðarleysi var mamma hans fram í eldhúsi, þegar byrjuð að elda jólasteikina. Siggi fór inn í eldhús og spurði mömmu sína hvort að hún ætti eitthvað að gera handa honum. En mamma hans sagði við hann að hann væri allt of lítill til þess að geta hjálpað til. Siggi fór þá til pabba síns sem var að gefa svínunum. ,,Pabbi" sagði siggi litli ,, má ég hjálpa þér að gefa svínunum" en pabbi Sigga litla sagði að hann væri hreinlega allt of lítill. Þá fór Siggi litli til systur sinnar sem var að mjólka ána sína í ofurlitla fötu. Siggi spurði systur sína hvort að hann mætti hjálpa henni, en hún sagði að hann væri of lítill til þess að geta hjálpað sér. Siggi litli var orðinn mjög leiður og hugsaði með sjálfum sér ,,ég skal sko sína þeim að ég er ekkert lítill". Siggi Litli tók sig til Þeystist á bak á svíninu Þorgrími og saman héldu þeir upp í ævintýaraferð.

Sigga til nokkurrar undrunar þá reyndist Þorgrímur altalandi á mannamáli auk þess sem hann talaði rússnesku, jiddísku og Tröllamál. Siggi og Þorgrímur ferðuðust langan veg og stoppuðu ekki fyrr það var byrjað að rökkva. Siggi tók eftir því að allt í kringum þá voru háir klettar og hvergi virtist vera leið út úr þessum dal sem þeir voru komnir í. ,,hér hvílum við okkur" sagði Þorgrímur í valdsmannslegum tón. Siggi hafði tekið eftir því að Þorgrímur taldi sig vera foringja í leiðangrinum og satt best að segja fór það í taugarnar á honum. ,,Hver skipaði þig einhvern foringja" sagði Siggi ,,hvað er að þér" sagði Þorgrímur á einstaklega hrokafullan hátt um leið og hann brosti kaldhæðnislega. Við þetta fauk í Sigga sem tók upp stærtsta stein sem hann sá og lét hann falla ofan á höfuð Þorgríms sem vissi aldrei hvað það var sem lenti á honum, höfuðkúpan gaf sig og út vætlaði maukað blóð. ,,Hver talar jiddísku núna!!!" öskraði Siggi svo hátt að fjöllin í kring nötruðu vegna kröftugra hljóðbylgna sem komu úr raddböndum Sigga litla.

Siggi litli fann að hann var orðinn svangur og nú kom það sér vel að hafa verið í skátunum, því hann kunni að kveikja eld með því að núa saman tveimur spítum. Eftir að hann hafði kveikt eld stakk Siggi Litli teini í gegnum svínið Þorgrím og byrjaði að grilla hann. Siggi litli var orðinn nokkuð hræddur því hann var kominn svo langt að hann rataði ekki aftur heim og nú var líka byrjað að snjóa. Þegar Siggi hafði grillað Þorgrím í góðan tíma og maturinn var alveg að verða tilbúinn, heyrði Siggi skyndilega hljóð. Þetta hljóð var ekki ósvipað garnagauli, bara miklu miklu hærra og hljóðið nálgaðist. Garnagaulið var nú ekki meira en tíu metra frá Sigga en hann gat samt ekki séð hver, eða hvað þetta var, því það var svo dimmt. Siggi sá dökka mikla veru nálgast birtuna. Fyrst gat hann bara séð svört stígvél en svo sá hann að veran var klædd í rauðan búning. Viti menn þetta var sjálfur jólasveinninn. ,,Jólasveinninn" hrópaði Siggi litli í hrifningu. ,,Hó hó hó" kallaði jólasveinnin af veikum mætti. ,,Er eitthvað að jólasveinn"? spurði Siggi litli. Já, sagði jólasveinnin ég gleymdi að taka með mér nesti í sjálfan jólaleiðangurinn. Ekkert mál sagði Siggi ,, ég er akkúrat að grilla Þorgrím." ,,grilla Þorgrím"? muldraði jólasveinnin í undrun sinni en skeytti ekki meira um það því hann var orðinn svo svangur. Siggi og Jólasveinninn átu svínið og drukku rauðvín sem jólasveinnin hafði ætlað að gefa manni sem hafði dáið fyrr um kvöldið og hafði því ekki not fyrir það lengur.

Þegar þeir voru báðir orðnir mettir bauð jólasveinninn Sigga litla far heim sem hann þáði. Þegar heim í hlað var komið sagði jólasveinninn kankvís ,,þakka þér fyrir allt saman" og Siggi svaraði um hæl ,,verði þér að góðu jólasveinn, verði þér að góðu". Síðan flaug jóasveinnin út í nóttina saddur og glaður. Eftir þetta kölluðu allir Sigga litla, Sigurð eða herra Sigurð og Siggi litli fékk alltaf nóg að gera á jólunum.

(þessi saga er af fyrra blogginu mínu sem lifði afar stutt. En þess má geta að þetta var jafnframt fyrsta blogg mitt og gert einn daginn á milli viðskiptavina í gjaldkerastarfi við KB banka sem ég vann í eitt sumar).

,,Ég er nú meiri karlinn"

2006-11-11T02:50:00.000Z

Ég fór á herrakvöld Fram í kvöld. Minnti mig svolítíð á það þegar ég var að horfa á Skaupið þegar ég var lítill. Ég hló bara þegar hinir hlógu, en samt voða lítið.

Í andlegri fjarvist minni varð mér þó hugsað til húmors og hvað það er mönnum mikilvægt að hafa húmorinn innan ákveðinna marka. Þarna voru t.a.m. komnir saman margir karlmenn sem settu sig í hlátursstellingar.

Hlátursgretturnar voru komnar á andlit manna áður en kom að punch læninu og síðan braust hláturinn fram eins og stífla sem brestur. Auðvitað var humorinn á kostnað kvenna. Ef Bríeturnar hefðu verið á svæðinu hefðu þær líklega snúið höfðinu í hring, froðufellt og labbað afturábak í köngurlóastellingu.

En svona er þetta bara og þegar öllu er á botninn hvolft náðist takmark kvöldsins sem var að skemmta miðaldra karlmönnum í svörtum og gráum jakkafötum og þá meina ég einungis í svörtum og gráum jakkafötum.

Af fordómum

2006-11-08T15:38:00.000Z

(Jón Magnússon bjargvættur
íslenskrar (ó)siðmenningar)

Í Blaðinu í fyrradag skrifar Jón Magnússon pistil undir yfirskriftinni ,,Pólitískt rétt". þar gagnrýnir hann þá sýn fjölmiðla að stefna frjálslyndra einkennist af fordómum. Hann segir m.a. ,,dómur byggður á rökum eða staðreyndum er ekki fordómur". Þar er ég sammála honum.

En grípum niður í viðtal við hann í Silfri Egils....

Egill: Eru þeir (múslimar) þá að þínu mati ógnun við samfélagið?

Jón: "Þá bara spyr ég þig á móti. Þegar danskur pylsusali er barinn til óbóta af Sonum Allah, vegna þess að hann selur pylsur þar sem er svínakjöt, hvers konar þjóðfélag er þá komið og er þetta hópur sem við sækjumst eftir ? Yrðum við ánægð með það ef Bæjarins bestu væru lögð í rúst af því að þar eru seldar pylsur með einhverjum efnum sem synir Allah sætta sig ekki við."

Þetta eru s.s. ekki fordómar. Það er athyglisvert.

Þessu má líkja við útlendan mann sem segir: Ég vil ekki fá inn í mitt land nokkurn mann frá Íslandi. Þeim finnst ekkert skemmtilegra en að myrða saklausa borgara í Írak og drepa alla hvali sem fyrirfinnast á jarðkringlunni á meðan þeir borða súrsaða hrútspunga og hlusta á FM 957.

Engir fordómar þar á ferð... eða hvað?

Ójafnrétti

2006-11-04T09:04:00.000Z

Talsmenn glímusambandsins voru æfir þegar fréttist af því hversu há laun landsliðsmenn íslenska karlalandsliðsins í knattspyrnu fá fyrir þátttöku sína í leikjum þess. Haft var eftir Jóni Birgi Valssyni formanni glímusambandsins að ,,það sé fáránlegt að strákarnir okkar fái ekki jafn há laun og knattspyrnumennirnir þegar þeir hafa sýnt jafn góðan árangur og raun ber vitni á alþjóðlegum mótum."

Hér er Jón að vitna í alþjóðlegt mót sem haldið var á landinu nú fyrir skömmu þar sem Íslendingarnir hreinlega völtuðu yfir andstæðinga sína frá Svíþjóð, Belgíu og Hollandi svo dæmi megi nefna. Með mótinu fylgdust vel á tylft manna og er það til marks um þann uppgang sem er í íþróttinni.

,,Þetta staðfestir grun okkar sem lengi hefur verið uppi um það ójafnrétti sem er á milli íþrótta á Íslandi."

Að auki bætti Jón því við að farið verður í kröfugöngu þann 19. júní á næsta ári til þess að undirstrika fáránleika ójanréttis í íþróttum á Íslandi. Þar munu koma saman landsliðsmenn úr fjölmörgum íþróttum eins og Judó, Paint ball og keilu auk kvennalandsliðsins í knattspyrnu. En Aðspurður út í málið sagðist Jörundur Áki Sveinsson þjálfari kvennalandsliðsins þegar vera byrjaður að hanna skilti fyrir kröfugönguna á næsta ári.

,,Jú, það er rétt, á því stendur : Sömu laun fyrir sömu vinnu og Eyjólfur".

Vinstri bakverðir

2006-11-02T14:00:00.000Z

Það er eins og ég hafi heyrt þetta áður(ath fyrirsögn).

Orðaflaumur

2006-10-19T04:00:00.000Z

Nú nýlega stóð stúdentaráð fyrir meðmælum til þess að vekja athygli á mikilvægi menntunar í landinu. Gott og blessað. Ég veit ekki hvort þetta er einhver vanvirðing á góðu framtaki, en mér finnst þetta svolítið fyndnar yfirlýsingar sem fylgdu með meðmælunum. Svona orðaflaumur sem merkir ekki neitt. Alveg eins hefði verið hægt að segja menntun er góð, svona eins og mjólk er góð.

Í yfirlýsingunni stóð:

Til þess að íslenskt samfélag haldi áfram að blómstra er nauðsynlegt að menntun verði gert hátt undir höfði. Þar skipta eftirfarandi atriði höfuðmáli: Þetta hefði í raun verið nóg.

Menntamál eru atvinnumál og hærra þekkingarstig skilar miklum arði til samfélagsins í gegnum margvísleg störf sem finna má í öllu atvinnulífinu. Til þess að ná lengra verðum við að fjárfesta meira í menntun. (Hver erum við? Líklega stúdentar þar sem þetta kemur fram í nafni stúdentaráðs. Athyglisverðar fréttir: Stúdentar eru hlynntir skólagjöldum)

Til að hægt sé að nýta þann mikla mannauð sem býr í íslensku þjóðinni verður að tryggja öllum aðgang að góðu háskólanámi sem stenst erlendan samanburð. (tryggja öllum aðgang? En hvað með þá sem ekki geta borgað skólagjöld)

Til að þekkingin blómstri og skili samfélaginu sem mestum arði þarf að búa hátækni- og nýsköpunarfyrirtækjum góð og stöðug starfsskilyrði. ( Minnir mig á Simpson þátt þar sem geimvera dulbúin sem forsetaframbjóðandi gefur út þessa yfirlýsingu : I have no objection of a man walking on the moon. )

Við tökum undir með Kristínu Ingólfsdóttur, rektor HÍ þegar hún segir: Það sem alltaf hefur skilað Íslendingum lengst er að þeir hafa fundið í sér vilja, kraft og getu til að vaxa út úr smæð sinni. Íslendingar hafa náð lengst þegar þeir hafa hugsað stórt og sótt fram í krafti þekkingar. (Orðaflaumur og þjóðernisbull)

Mennt er máttur,
maður er sáttur,
það er leikur að læra,
úti liggur dauð gæra.

Böl er dvöl í fótbolta á möl

2006-10-16T15:13:00.000Z

Einu sinni teiknaði ég mynd af Bart Simpson þar sem hann var að segja ,,halló Laxi" (já með xi). Með hverju árinu sem líður,verð ég sannfærðarðari um að það sé það svalasta sem ég mun áorka í mínu lífi.

Úti að skíta

2006-10-10T17:00:00.000Z

Nú fyrir nokkrum mínútum var ég að fela mig fyrir henni Rögnu minni. Faldi mig á bakvið vegg á meðan hún sagði ,,Viðar hvar ertu". Ég hló inn í mér og hugsaði ,,ég trúi þessu ekki, hún finnur mig ekki".

Stuttu síðar kom ég fram og bjóst við hlátri og gleði við endurfundina. En þvert á móti fékk ég þessi orð í smettið ,,veistu þetta er ekkert fyndið". Ég verð nú að viðurkenna að um leið og ég stóð þarna með sólheimaglott til að lúkka kúl, fann ég hvernig ég skammaðist mín smá. Því hef ég tekið þá ákvörðun að hætta að fela mig upp úr þurru. Eins dreg ég þessa ályktun...

Ef ég er úti að skíta, kemur Ragna og skeinir mér.

Crank

2006-10-04T02:54:00.000Z

Keðjufíflið fór í bíó á myndina Crank í kvöld. Þvílíka kvikmyndaupplifun er ekki hægt að kaupa út í búð, bara í bíó. Ólafur Þórðarson (a.k.a Jason stratham) leikur mann sem má ekki stoppa að hlaupa ,því annars deyr hann, svona eins og hákarl...eða köttur sem er búinn að fá sinnep í rassinn. Það er heillandi, en þó ekki nærri jafn heillandi og ýmis smáatriði sem sjást æ sjaldnar í kvikmyndum nú á tímum. Aðalsöguhetjan er jafn töff og orðið þokkalega var fyrir nokkrum árum, löggurnar eru aular, vondu kallarnir vondir og konurnar hálfnaktar fyrirsætur sem vita ekki neitt og ekki til neins brúks nema gera hitt. (a.k.a. dodo)

Til þess að skemma ekki upplifun framtíðaráhorfenda segi ég bara.

*Óli Þórðar kemur karlmennskunni aftur á kortið.
*Æsilegur hasar sem segi sex

4 hlekkir af 5 mögulegum.

Mynd tekin úr giftingu Ólafs

Tekinn af pabba

2006-10-03T14:02:00.000Z

Á mínum menntaskólaárum stóð ég gjarnan í heitum...eða a.m.k. volgum rökræðum við bekkjarfélaga mina og ósjaldan voru það við Tryggvi Gunnarsson sem ræddum saman. Yfirleitt var það þannig að margir hlustuðu á og þegar búið var að kveða hinn aðilann í kútinn, heyrðist í meintum sigurvegara ,,tekinn TEKINN" í stigmagnandi hljómi. Þeir sem hlustuðu á voru nokkurs konar dómarar og var það hlátur þeirra sem skar úr um hversu tekinn meintur ósigurvegari rökræðanna var.

Í gær horfði ég á leik Watford og Fulham í enska boltanum ásamt mömmu og pabba sem eru bæ ðe vei á sjötugs aldri. Undir lok leiksins sagði ég eitthvað á þessa leið, þetta er týpískur enskur leikur og átti þar með við að leikurinn bæri einkenni enskrar knattspyrnu sem eru langar sendingar uppá von og óvon. Við það hváði í föður mínum ,,það er ekki skrítið þar sem þetta er leikur í ensku úrvalsdeildinni".

Fyrsta hugsun mín var eitthvað á þessa leið ,,Jesús minn hvað þetta var ekki sniðugt comment" en í sömu andrá heyrðust hlátrasköllin í móður minni sem lá á gólfinu að kæla á sér bakið. Hún hreinlega tók andköf af hlátri og þá espaðist faðir minn allur við og endurtók ,,það er ekki skrítð þar sem þetta er leikur í ensku úrvalsdeildinni" og bankaði í sófaborðið.

Á þessum tímapunkti áttaði ég mig á því að sennilega hafði ég verið tekinn skv. menntskælingahefðinni forðum. Því gat ég ekki annað en hugsað ,,tekinn af pabba mínum, hversu slæmt er það!", Um leið og ég áttaði mig á því fór ég líka að hlæja sem var líkt og olía á hlátursbálið sem magnaðist fjórfalt um leið. Ekki náðist að ráða niðurlögum þess fyrr en u.þ.b. tveimur mínútum og fjölda banka í sófaborðið síðar.

Tvennt má læra af þessu. Ber er hver að baki nema sér bróðir eigi. Tíðarandi í menntaskóla er ekki eitthvað sem má heimfæra yfir á daglegt líf.

Kynslóðir

2006-09-07T21:55:00.000Z

Endrum og sinnum heyrir maður minnst á kynslóðir fyrri tíma. Hipparnir voru friðelskandi flökkukindur sem lifðu taumlausu kynlífi án ábyrgðar. Diskó kynslóðin dansaði næturlangt í gleðivímu líkt og morgundagurinn rynni aldrei upp. Gleðin hélt áfram á eightís tímabilinu þar töffarar og skvísur hlustuðu á tónlist ,,mengaða" af hljóðgervlum sem minna á gamlar ruslatunnur. X kynslóðin þóttist fordómalaus á sama tíma og orð á borð við kúl og ýkt nutu vinsælda.
Í fyrra las ég grein í stúdentablaðinu þar sem Óskar Arnórsson fjallaði um hnyttin máta um þá kynslóð sem ég tel mig tilheyra. Hann kallar hana,,Viðnámslausu kynslóðina". Fædd með silfurskeið í munni, aldrei upplifað annað en góðæri og aldrei þurft að hafa fyrir nokkrum sköpuðum hlut. Kaffihúsaferðir, bíó og fyllerí fjármögnuð með bankalánum sem borguð verða...síðar meir....af mömmu og pabba. Konur nota karla, karlar nota klámefni. Engin bannar, engin skammar, engir rammar og á endanum, ef sódómulíferninu linnir ekki, munum við jafnvel sjá svartan gyðinga homma (T.M).

Af yndislegum mönnum.....

2006-09-01T16:24:00.000Z

Bjarni Þór Pétursson, athafnamaður, ljóðskáld og ástin í mínu lífi tjáir sig á marg-vís-legan hátt á síðunni sólskinsfíflið.blogspot.com. Þar fer maður sem segir einu meira en 5 og aldrei að vita nema eitthvað vit(leysa) leynist í skrifum hans.

Oddur Sturluson iðjuleysingisbróðir, ljóðskáld og kvennabósi af verstu gerð, tjáir sig um eitthvað allt annað en hvunndaginn á síðunni blog.central.is/krossfiskur. Aldrei að vita nema einhver vitleysa leynist í skrifum hans.

Ályktanir

2006-09-01T12:40:00.000Z

Hér eru nokkrar ályktanir úr ritstjórastól Keðjunnar.

1. Ekkert er að því að konur séu á atvinnumarkaði.
2. Hommar eru til.
3. Svertingjar eru ekki endilega verri en annað fólk.
4. Akranes má (með naumindum) vera til.
5. Keflavík hins vegar ekki.
6. Fallbeygingin á nafninu Ketill er fyndin í þágufalli.
7. Keðjan hefur enga sérstaka skoðun á nokkrum manni sem heitir Jón Sigurðsson.

Góðar stundir

Everton 2 - Munnmakarham 0

2006-08-28T14:39:00.000Z

Undirritaður horfði á leik Tottenham og Everton um helgina. Væntingar fyrir leik voru undir lágmarki þar sem 21 ár eru síðan Everton vann á White Hart Lane.

Því var fögnuðurinn gífurlegur í Keðjuholti eftir að úrslit voru kunn. Ekki nóg með það að mínir menn sigruðu, að auki komu margsinnis kaflar í leiknum þar sem Everton náði að senda meira en þrjár sendingar á milli manna.

Í framhaldinu er ekki úr vegi að gefa út stríðsyfirlýsingu fyrir næsta leik sem er á móti Liverpool:

,,Everton táknar hið góða í heiminum, Liverpool táknar hið illa í heiminum. Því mun ekkert blóm dafna, engin ást brenna, engin list fæðast og engin fegurð lifa fyrr en knattspyrnuliðið Liverpool mun deyja, deyja, deyja á blóði drifnum knattspyrnuvelli."

Enginn Viðar í þjóðskrá

2006-08-21T20:55:00.000Z

Ég fór á vef Hagstofunnar um daginn. Mér til nokkurrar furðu er enginn í þjóðskrá sem ber nafnið Viðar.

Eftir að þessi sannindi voru ljós er ekki laust við að ákveðin tilvistarkreppa hafi sótt að mér. Fyrir vikið fór ég að velta því fyrir mér hver ég væri í raun og veru. Ég leigði myndina Who am I með Jackie Chan en fékk engin svör. Því næst hlustaði ég á lagið Whats this life for með Creed, en mér til nokurrar armæðu, enn engin svör.

Í öllum þessum heimspeikilegu vangaveltum sem á eftir fylgdu fór ég að spá í því hvort ég væri virkilega hvítur, gagnkynhneigður, karlmaður. Eftir smá umhugsun komst ég að því að í rauninni væri ég það ekki. Þó komst ég að niðurstöðu.... og er niðurstaðan sú að ég er....ég er....ég......er Hálfviti.

Og annar til...

2006-08-21T20:46:00.000Z

Utanríkisstefna Bandaríkjanna

Einn smá djókur ...

2006-08-21T20:37:00.000Z

Framsóknarflokkurinn

Já það er nú einu sinni þannig að sumt er óstjórnlega fyndið

2006-08-16T16:11:00.000Z

Mér þykir best að leyfa þessu myndbroti að tala sínu máli.

Hýrt stolt

2006-08-13T15:08:00.000Z

Í gay pride göngunni í gær voru samankomnar ljótar samkynhneigðar stelpur og sætir samkynhneigðir strákar, auk óbreyttra gagnkynhneigðra borgara af öllum stærðum og gerðum. Tilefnið var að fagna frelsi og jafnrétti samkynhneigðra. Það er gott mál því ávalt ber að fagna mannréttindum.

Um kvöldið var svo þvílík stemning á Nasa þar sem Oddur og Ívar fóru hamförum á dansgólfinu eins og sjá má á myndinni hér fyrir neðan.

Hass er hollt

2006-08-11T00:21:00.000Z

Þetta er skemmtilegra en það sem er leiðinlegt.

Hugleiðingar um ,,ofurlaun" á Íslandi

2006-08-08T21:21:00.000Z

Að undanförnu hefur mikið verið rætt um ójöfnuð í þjóðfélaginu. Ef marka má blað Frjálsrar verslunar eru rúmlega 50 einstaklingar með meira en tvær miljónir á mánuði í laun fyrir sína vinnu og eru margir þeirra bankamenn. Á sama tíma eru lægstu laun 100-200 þúsund krónur á mánuði.

Sumir segja það ósanngjarnt þegar bilið á milli þessarra launahópa er svona mikið. Aðrir telja að það sé ,,bara rugl" að bankamenn fái svona há laun. Enn aðrir vilja meina að slíkt ósamræmi ógni ,,þjóðarsátt" þar sem slík þróun sé forsenda stéttaskiptingar í landinu. Að síðustu tala ýmsir um að engum sé hollt að eiga svona mikla peninga og einunugis til marks um græðgi viðkomandi.

En mikilvægt er að átta sig á einu.

Bankarnir hafa skapað þjóðarbúinu meiri peninga en nokkur önnur atvinnugrein á undaförnum árum. Elja og hugvitsemi einstaklinganna sem þar vinna hefur skapað þennan auð. Sérstaklega er hér um að ræða vinnu innan ákveðinna deilda í bönkunum.

Því er eðlilegt að spyrja sig hvort ekki sé sanngjarnt að þessir aðilar njóti þeirra ávaxta sem vinna þeirra skapar. Í þessu samhengi er mikilvægt að gera sér grein fyrir því að þetta fjármagn sem bankarnir skapa er ekki tekið úr einhverjum tæmandi potti. Því er enginn hlunnfarinn þó aðilar innan bankanna fái há laun. Enginn þeirra er að taka laun frá öðrum í þjóðfélaginu.

Hvað fæst með því að skattleggja eða veita hálaunamönnum lægri laun? Eiga bankafyritækin sjálf að fá þessa peninga sem ellegar gætu verið greiddir í laun? Á ríkið að taka aukalega af hálaunamönnum þegar rannsóknir sýna að slíkt veitir ekki auknar skatttekjur? (Sem er einhver hagfræði sem ég kann ekki nánari skil á)

Ekki er gott að sjá ávinningin af því

Mergurinn málsins er sá að umræðan er sprottin upp vegna öfundar. Hin ímyndaða þjóðarsátt er byggð á því að enginn megi hafa það of gott því slíkt sé svindl eða ósanngjarnt. Manni leyfist að efast um að slík rök standist í ,,siðmenntuðu" þjóðfélagi.

Hver sem er getur keppst að því að reyna að fá sem hæst laun. Slíkt er vel gerlegt í landi eins og Íslandi þar sem langflestir hafa tækifæri til þess að keppast að því að koma sér áfram á atvinnumarkaði, t.d. með því að mennta sig meira.

Siðan er líka hægt að vera sáttur við sitt hlutskipti og njóta þess að vera til án þess að láta ásókn í efnislegar þarfir stjórna sínu lífi.

Ég er farinn að horfa á Seinfeld. Hann er fyndinn.

Alltaf sama bullið í sumum

2006-08-07T23:13:00.000Z

Það var nú bara ekki rassgat að því að vera staddur á Ásbyri um helgina. Þeir sem segja náttúrufegurðina vera ömurlega eru bara sjálfir ömurlegir. Jú jú, sumir gætur líka sagt að dettifoss sé bara ,,vængefið glataður", en ,,kommon" og ,,get real" aðeins í smá stund. það verður nú bara að segjast að þetta er drulluflott........ Jísús kræst maður.

Edgar Allan Poe....

2006-08-02T13:04:00.000Z

hefði komist ágætlega að orði hefði hann sagt ,,sumarpróf eru svívirða".

Skattafróðleikur

2006-07-25T13:30:00.000Z

Maður spyr sig hvort verslunareigendur á laugavegi séu ekki orðnir langþreyttir á eilífri skattlagningu á viðskiptavini þeirra. Því skattlagningu á viðskiptavini þeirra má leggja að jöfnu við skattlagningu á þá.

Dæmi: Venjulega kostar kaffibolli 250 krónur niðrí bæ. Þann kaffibolla tekur u.þ.b. klst að drekka (með ábót og spjalli um hlutabréf). Ef einnig er greitt í stöðumæli fyrir þessa klst, þá kostar hann u.þ.b. 150 krónur í viðbót.

Kaffibollinn kostar því 400 krónur í miðbæ Reykjavíkur. Það er mikið. Of mikið fyrir kaffibolla. Of mikið fyrir kaffibolla sem hægt er að fá á 250 krónur annar staðar. Of mikið fyrir kaffibolla sem hægt er að fá á 250 krónur annar staðar þar sem viðskiptamenn þurfa ekki að lifa við skattanauðung og eru því í betri samkeppnisstöðu.

Stöðumælar koma því öllum illa, viðskiptavinum sem og viðskiptamönnum.

Þetta var skattafróðleiksmoli dagsins.

Að skíta í rottu

2006-07-24T03:01:00.000Z

.....Er vafasam orðalag yfir það að serða skonsu.

Öldur ljósvakans

2006-07-21T13:06:00.000Z

Nú miðdegis hyggst Keðjan venda sínu kvæði í kross og þreyta frumraun sína í útvarpi. Stöðin mun vera Útvarp saga og heitir þátturinn sammarinn og er kenndur við netsíðuna Sammarinn.com. Ekki er vitað nákvæmlega um það hvað þátturinn fjallar, en þó verður að teljast líklegt að umfjöllunarefnið sé fótbolti. Enda svossum fátt annað sem Keðjan er fær að tjá sig um, nema kannski prumpufýlur og Skattalög.

Nick hnappelda

2006-07-19T13:42:00.000Z

Prince sagði eitt sinn ,,I never waste a good boner" og átti þar með við að hann eyddi aldrei góðri standpínu. Hvað sem því líður þá sótti ég giftingu um helgina þar sem Skúli Leifsson ræstitæknir og Hafdís Ósk Guðlaugsdóttir gengu í það heilaga og er ekki úr vegi að óska þeim innilega til hamingju með það.

Ég er fíflið.....

2006-07-18T12:11:00.000Z

Sem borgaði sig inn á Superman returns. Að vísu er um að ræða heiðarleg mistök þar sem undirritaður áttaði sig ekki á því að þar sem venjulega stendur bönnuð innan 10 ára, stendur líklega bönnuð eldri en 10 ára.

Keðjufíflið fær endurnýjun lífdaga

2006-07-17T20:44:00.000Z

Nú hefur þessi síða verið lítt uppfærð að undanförnu, en engu að síður eru 201 búnir að commenta á síðuna síðan seinast. Því er það vegna fjölda áskorana sem bloggi verður haldið áfram hér, haldið áfram hér, haldið áfram hér, haldið áfram hér, haldið áfram hér, nei djók ætla út í smók.

Eftirlýstur: Tímaþjófur

2005-12-20T07:16:00.000Z

Nú á áttunda tímanum, síðla næturs hjá sumum en snemma morguns hjá öðrum, slapp Tímaþjófurinn illræmdi. Hann fannst á fimmta tímanum í dulargervi prófundirbúnings og bar fyrir sig að fólk hefði svossum ekkert betra við tímann að gera. Yfirvöld létu sér þó hvergi bregða og brugðu á það ráð að segja honum að ,,sofa þetta úr sér".

Slyngur tímaþjófurinn lét sér þó ekki segjast heldur lagði á flótta með nokkrar stundir til viðbótar í formi andvöku.

Talið er líklegt Senior Coffee dómsmálaráðherra þurfi að segja af sér vegna málsins. Jean Tuborg þykir líklegur arftaki og mun hans mun bíða það erfiða verkefni að hafa hendur í hári þjófsins.

Öndum jólaanda

2005-12-15T14:39:00.000Z

Hér með skorar Keðjan á alla lesendur Keðjufiflid.blogspot.com til þess að fara inn á www.litlutyppalingarnirykkar.blogspot.com (kann ekki að gera link) og taka þeirri áskorun sem þar liggur fyrir.

Mrs shitface 2005

2005-12-14T07:45:00.000Z

ha?

Með fullri virðingu fyrir klénleika eftirfarandi orða en......... hvað er að gerast!!!

Kjúklingurinn Eddie

2005-10-26T02:41:00.000Z

Á vegum Nra (national rifle association) er kjúklingur að nafni Eddie sem kennir börnum rétta meðhöndlun á skotvopnum.....

(Eins og sjá má eru Eddie og börnin hinir mestu mátar)

það er ánægjulegt að vita að Bandaríkjamenn eru með þetta allt á hreinu.

Þess má geta að kjúklingsins er að vænta hingað til lands og mun hann byrja á því að heimsækja krakkana í 4. KÞ sem er níu ára bekkur í Fellaskóla og kynna þar rétta meðhöndlun skotvopna.

Krakkarnir voru hæstánægðir að frétta að von væri á kjúklingnum því yfirvofandi ógn frá Sigga stóra væri að
(4.K.Þ í Fellaskóla var hæstánægður með væntanlega komu Eddie)

verða óþolandi þar sem hann kynni ekkert með byssur að fara. Aðeins tímaspursmál væri hvenær hann ætti eftir að ,,blasta einhvern í hausinn" var haft eftir einni stelpunni í bekknum.

Gifting

2005-10-25T22:25:00.000Z

Nú síðastliðin laugardag giftu sig góðvinir Keðjunnar þau Birgir og Ágústa. Þar sem þau eru búsett í Bandaríkjunum um þessar mundir, munu þau taka nafn hans og verða hér eftir herra og frú Chewbacca. Af þessu tilefni langar mig að óska þeim hjónum innilega til hamingju.

Góðan daginn

2005-10-25T15:23:00.000Z

Jæja, þá er komið að því að kynna sér betur þetta alnet með því að hefja hér með giftusamlegan netferil þar sem stefnan er tekin á það að setja inn stafi sem lesnir eru og jafnframt mynda orð. Orð sem hafa hvert sýna merkingu, því í gegnum menningu sem er sameiginleg upplifun hefur það orðið ofan á að fólk sammælist um hvað sé rétt skilgreining á hljóðum sem koma út úr munnum manna. þessum hljóðum, sem hafa sameiginlega merkingu, er svo raðað saman í ákveðið mynstur svo úr myndast setningar sem er uppröðun orða í ákveðinni röð svo mynda megi sameiginlegan skilning á því sem hver og einn tjáir með hljóðum sínum.

Ef þetta skipulag hefði ekki komið til, væri ef til vill ekkert til sem heitir orð og því síður nokkuð sem heitir setning og þá væri kannski Leitin að eldinum vinsælasta mynd allra tíma.

Það væri nú skrítið......... ha ha ah ha ha ha ha ha ha ha ha ha ha ha ha ha ha ha ha ha ha ha ha ha ha ha ha ha ha ha ha ha ha ha ha ha!!!!!!!!